Hazrat Muhammad Murad Ali Khan Rahmatullah Alayh

Hazrat Faz el e Rehman Gunj Muradabadi

 

Rahmatullah Alayh

 

Aap ki wiladat basaadat Hazrat Rehmat Allah Myian Ke mutabiq 1208 Hijri ko Sandhela  mein hui. Nawab Syed Noor ul Hassan  Majmoa  Al Rasials mein likhte hain kay aap ke waalid e Majid Hazrat Shah Ahal Ullah Hazrat Shah Abdul Rahman lakhnavi  ke mureed thay aur aap ka naam Hazrat Shah Abdul Rahman ne Faz el e Rehman rakha .

 

 

 

 

 

 

 

 

 

 

 

 

Aap ke naam mubarak mein alif aur laam nahi hai. Is ki wajah yeh hai kay is se aap  Rahmatullah Alayh  ka sun wiladat  ba saadt nikalta hai. Yani tareekhi naam hai. Huroof e Abjad  ke mutabiq lafz fazal ke kul adaad 910 hotay hain yani fe ke Adad 80, z ke Adad 800 Aur l- ke Adad 30 hotay hain. Isi terhan lafz Rehman ke kal adaad 298 hotay hain yani re  ke 200, he ke 8, meem ke 40 Aur noon ke 50 Adad hotay hain. Ab agar 910 mein 298 ko jama karen to kal adaad 1208 bantay hain jo kay Hazrat Faz el Rehman Ganj Muradabadi Rahmatullah Alayh  ka sun e wiladat hai .

Molvi Tajammal Hussain sahib Fazal e Rahmani mein likhte hain kay aap Mallawan  mein sarrak par larkoon ke sath kuch khail mein mashgool thay kay gari aye aur iss ka aik pahiyah asp Rahmatullah Alayh  ke jisam aur sar kay uopar se guzar gya jis se asp Rahmatullah Alayh  ke kaan ka kaafi hissa kat gaya magar jaan bach gayi .

Bachpan mein aik martaba aap apne waalid ke sath Mallawan se chalay aap ke waalid ke haath mein aik pinjra tha jis mein toti tha. Rastay mein aas paas kakun  ke darakht  khasi tadaad mein mojood thay. Jaisay hi totay ne kakun ke dekhe to tin tin karne laga. Aap ke waalid ne kakun ke darakht ka aik khosha toor kar janwar ko pinjra mein day diya, Molana Fazal e Rehman ne  mana kya. Aap ke waalid ne is ko khafeef samajh kar is ko nahi mana aur chalay gaye. Jab aap Rahmatullah Alayh  ke waalid bees pachees qadam chalay gaye  tu dekha ke Molana Fazal e Rehman  mere peechay nahi hain. Balkay wahein khait par kahrhe hain. Pukara  ke  aao kiyon kharray ho. Aap Rahmatullah Alayh   farmay ke  ne jab is khait ka  maalik ka aaye ga to is se maaf  kara ke aon ga kay khosha hamaray pinjra mein hai. Aap Rahmatullah Alayh   ke waalid ne kam suni ke sabab se asay nahi chora aur kaha  kay lo hum nahi jatay hain, pinjra khol kar khosha ko pinjre se bahir  phaink diya. Tab asp Rahmatullah Alayh   wahan se tashreef  le gaye .

Nawab Syed Noor ul Hassan  Isarar e Mohabbat mein likhte hain kay aik dafaa aik peer zada asp Aap Rahmatullah Alayh  ki khidmat mein hazir hwa  asp Aap Rahmatullah Alayh ko dekh kar  be hosh ho gaya. Thori der baad jab hosh mein aaya to Hazrat Molana Fazal e Rahman Rahmatullah Alayh  ne poocha kya baat thi kehnay laga kay mein ne aap Aap Rahmatullah Alayh  ke paas Hazrat Muhammad  Sallallahu Alayhi Wa alihi Wasallam  ko dekha hai. Aur Anhazrat Sallallahu Alayhi Wa alihi Wasallam  Ka jamal dekh kar be hosh ho gaya tha. Hazrat Molana Fazal e Rahman Rahmatullah Alayh ne kaha kay bas aik jhalak mein yeh haal ho gya hai .

Hazrat Molana Fazal e Rahman Rahmatullah Alayh farmatay hain kay mujhe larakpan mein Anhazrat  Sallallahu Alayhi Wa alihi Wasallam  aur Sahaba karam Razi Allah Tala Anhu  Ki ziyarat huwa karti thi .

22 Rabiey al-awwal1323 Hijri  ko aap Rahmatullah Alayh  dar e fani se rukhsat ho gaye. Aap ka mazaar shrif Ganj Muradbad India mein hai jahan daur daur se log Faiz haasil  karne ke liye hazir hote hain .

Hazrat Molana Fazal e Rahman Rahmatullah Alayh se be shumaar  ulma aur mushaik ne hadees pak ka dars lia aur rohani  tarbiyat bhi haasil ki. Asp Rahmatullah Alayh ki be shumaar karamaat hain jin ke liye yeh safhaat na kafi hain.